Həyatı
Fərid Naser oğlu Eminov 1985-ci il may ayının 20-sində Bakı şəhərində anadan olub (Əslən Cənubi Azərbaycanlıdır). İlk təhsilini 1992-2003 -cü illər Bakı şəhər 8 nömrəli tam orta məktəbdə almışdır.
2003-cü ildə Azərbaycan Texniki Universitetinin Ekologiya fakültəsinə qəbul olmuş, 2007-ci ildə bitirmişdir. 2007-2008 -ci illərdə öz hərbi xidmətini Azərbayacan Dövlət Sərhəd xidmətində yerinə yetirmişdir. Hərbi xitdmətdən qayıtdıqdan sonra musiqi ilə paralel mühəndis kimi müxtəlif şirkətlərdə çalışmışdır.
Qurd birinci evliliyindən iki oğula sahibdir, Rəsul və Murad Eminovlar. 2021-ci ildə ikinci dəfə ailə həyatı qurmuşdur və bu evliyindən Suqra Eminova adlı qızı var.
Karyera
Öz fəaliyyətinə 2000-ci ildə Miri Yusifin layihəsi olan "Dəyirman" qrupunda başlayıb. Miri Yusif tərəfindən "Qurd" ləqəbi verilib və bu ləqəb ilə tanınır. İlk albomu (kaset) 2001-ci ildə "Allahım" olmuşdur.
2005-ci ildə "Klan-A-Plan" qrupu yaradılıb və bu qrupun üzvü olub. "Klan-A-Plan" qrupu öz fəliyyətini 2012-ci ildə dayandırmışdır. 2007-2010 -cu illərdə öz rep fəaliyyətini tamamilə dayandırmışdır.
2010-cu ildə "Klan-A-Plan" qrupunun üzvü Rüfət Ryder rəhmətə gedəndən sonra 2010-2012 -ci illərdə öz fəaliyyətini yenidən bu qrupda davam etdirmişdir. 2012-ci ildə qrup dağılandan sonra solo karyerasında öz məşhurluğunu qazanmışdır.
Məşhur mahnıları: “Rəqs edir hər kəs”, “Tapın Onu” , “Tək-tək” , ”Apar məni”, ”Kayfla yaşa ” , ”Tar ” , ”İlk öpüsh ” , ”Babat-babat ” , "Bana-Bana" , "Dincəleyşin" , " Sənin olsun" və.s . Qurd ölkənin müxtəlif bölgələrində böyük dinləyici kütləsi üçün solo konsertlər vermişdir və konsertlər uğurlu olmuşdur.
Ən böyük konserti Naxçıvanda, ikinci ən böyük konserti Şəki şəhərində baş tutmuşdur – 6000 (altı min) dinləyici iştirak etmişdir. Şəxsi Youtube kanalında 70 000 000-dan çox izlənməsi vardır.
Diskoqrafiya
- İNŞALLAH 2002
- İntro
- Allahım
- Hörmətli feat.Vahid Qədim
- Atalar Sözü (feat Mc Rain)
- Yalançı feat. Boz
- Azmış Şəhər feat. Sitarə
- Azərilər
- Ayrılıq
- Küçə (skit)
- Vecimə Deyil feat . Boz
- Pul Məndə feat. Miri Yusif. Dəyirman
- Gecdi feat. Boz
- Bəs Niyə?
- İNŞALLAH feat. Miri Yusif, L-mir
OLD & GOLD (ep albom)
- Sənin olsun
- Dünya sənin dünya mənim
- Yeyib içən xanım
